ҶСШК “Ресанда” – и шаҳри Қурғонтеппа яке аз аъзоёни фаъоли ПСС-и вилояти Хатлон ба шумор меравад. Бо ҷаъду талоши сарвари корхона Файзуллоев Нусратулло корхона баъди 7 соли танаффус ба истеҳсоли ришта, махсулоти насоҷӣ, газворҳои пахтагӣ, шурӯъ карда, имрӯзҳо дар корхона коргарони зиёде барои дӯхти сарулибоси мактабӣ машғуланд.

Дар ҶСК Ресандаи шаҳри Қурғонтеппа бо иштироки Сарвари давлат Эмомалӣ Раҳмон коргоҳҳои нави ресандагӣ, бофандагӣ, рангу бори ришта ва матоъ, дӯхти либос ва ҷӯроббофӣ ба кор дароварда шуд.
Тавре зикр гардид, ҶСК Ресанда аз соли 2007 ба ин сӯй бо сабаби кӯҳнаю фарсуда шудани техникаю таҷҳизот ва дар бозор рақобат карда натавонистан ҳамагӣ бо 15-20% иқтидораш фаъолият мекарду бас.

Аз 5 то 7 июли соли ҷорӣ Ҷаноби Олӣ, муҳтарам Эмомалӣ Раҳмон бо сафари корӣ ба вилояти Хатлон ташриф овард.
Аз файзи қудуми роҳбари давлат симои вилоят рӯҳи дигар гирифт. Як зумра корхонаҳои хурду бузурги саноатӣ, иншооти зиёди хизматрасонии дорои аҳамияти иҷтимоӣ бо ҳазорон ҷойҳои нави корӣ мавриди истифода қарор гирифт. Ба сохтмони се корхонаи бузурги саноатӣ- равғанкашӣ, ресандагӣ ва коркарди меваю сабзавот дар ноҳияҳои Бохтар, Вахш ва Ҷалолиддини Румӣ бо имкони муҳайё намудани қариб ҳазор ҷойи корӣ оғоз бахшида шуд.

Пайрав Чоршанбиев

Ҷамъияти саҳҳомии кушодаи «Ресанда»-и шаҳри Қӯрғонтеппа бо дастгоҳҳои муосир муҷаҳҳаз мегардад.
Тавре аз хадамоти матбуоти Вазорати энергетика ва саноати ҷумҳурӣ хабар доданд, бо ин мақсад аз Ҷумҳурии Мардумии Чин ба маблағи беш аз 3 млн. доллари ИМА дастгоҳу таҷҳизоти нави муосир харида шудааст.
Ба иттилои манбаъ, айни замон бо кӯмаки мутахассисони Чин насби дастгоҳҳои нав ҷараён дорад.
«Дастгоҳҳои нав ба баланд бардоштани сифати маҳсулоти истеҳсолшаванда (риштаи пахтагин ва матои бофандагӣ), паст намудани арзиши аслии маҳсулот ва рақобатпазирӣ дар бозори истеҳсолӣ мусоидат карда, барои содироти маҳсулот ба хориҷи кишвар, аз ҷумла ба кишварҳои Аврупо шароити мусоид фароҳам месозанд», - гуфтанд дар вазорат.
Ҷамъияти саҳҳомии кушодаи «Ресанда»-и шаҳри Қӯрғонтеппа соли 1998 аз ҷониби Кумитаи давлатии сармоягузорӣ ва идоракунии амволи давлатии ҶТ таъсис дода шудааст.